Berita hari ini

Wayoik! Yobana Samial – Buyung Lapau, Segeh Bana Untuk Padang Pariaman 2020 – 2025

Penulis :

admin

Published on 5 Juli 2019

• Share
• Tweet
• Comment

Dari subalah kida: H. Yobana Samial,SH dan H. Buyung Lapau,S.Sos,M.Si (YSBL).

Piaman Laweh,
SBNews (Versi Minang) – Pemilihan Kapalo Daerah
(Pilkada) Kabupaten Padang Pariaman alah samakin dakek, sakiro – kiro Tahun
2020 bisuak. Tantu, dek namo e alek gadang, lah banyak pulo mancogokkan
dirinyo, nan baniek elok ka maju mancalon Bupati atau Wakil Bupati di daerah
nan terkenal jo karambia dan pasie e nan indah tu.

Nan
sangaiak rami kini dipakecekkan urang ka naiak galanggag Pilkada Piaman Laweh
(sabuitan Padang Pariaman, kadang untuak Kota Pariaman gei) adolah sosok mantan
Perwira TNI banamo H. Yobana Samial,SH. Sajak baranti dari Tentara Angkatan
Lauik (AL), baliau ko jadi Pengacara dan kini baraliah manjadi Notaris di
Jakarta.

Beliau
ko, jan disangko adolah notaris tulen, tanyato lah lamo baliau ko fokus bana
baraja ilimu Islam. Bukan hanyo mempelajari, sajak tahun 2000an baliau lah
mambuek organisasi Paga Nagari, untuk mamaga kampuang halamannyo dari wabah
pamurtadan (misi Kristenisasi).

Salain
Paga Nagari, di Padang Pariaman baliau mambuek program Taslim (Tausiyah Singkat
Lima Menit) nan bajalan hampia 4 tahun lamonyo di sekolah – sekolah, kurang
labiah tujuah sekolah, demi menangkal pemurtadan. Tapi program Taslim, Hafidz
dan babagai ilimu agamo lainnyo agak maisuik – isuik jalan e, sabab indak dapek
patolongan dari ughang nan bakuaso di kampuang e tu.

Sahigggo,
baliau ko akhie e nandak pulo maju jadi ughang nan bakuaso, alias jadi Bupati.
Tapi, alah sakian kali mancubo mancalon, ado – ado sajo batu nan manaruang,
panah kalah dan panah pulo ndak jadi maju.

Yobana
Samial, nan barasa dari Sungai Limau ko, dek bamental prajurit, baliau ko ndak
panah putuih aso. Kini untuak Tahun 2020, baliau lah siap – siap pulo dengan
tekad nan sangaiak bulek, maju Bupati Padang Pariaman.

Mangko,
kalau baliau surang maurus Padang Pariaman pas tapiliah nanti, tantu indak bisa
bakarajo surang, sabaiak baliau ko ndak manusia super takah Superman, Ultraman
atau Batman. Jadi, paralu pendamping (bukan pendamping hiduik takah bini) nan
manamani baliau manjalankan pemerintahan, yang disabuik sabagai Wakil Bupati.

Ughang
nan cocok untuak Yobana Samial, salah satu e adolah Buyuang Lapau, wek e banamo
lengkap H. Buyung Lapau,S.Sos,M.Si. Sosok nan ciek ko, adolah ahli dalam bidang
ekonomi dan pitih – mamipitih, alias Kapalao Dineaih Keuangan atau Kapalo Badan
Keuangan dan Aset Daerah (BPKAD) di Kota Batu Baro, sabuitan Kota Sawahlunto.

Buyuang
Lapau, adolah ughang na cadiak lagi cerdas. Baliau ko ndak barasal dari ughang
sanang, tapi ughang susah nan tau diuntuang. Sahingga, basikolah e sukses dan
akhie e manjadi ughang di rantau ughang.

Jan
kan untuak Padang Pariaman, kampuang e di Barangan, Kecamatan VII Koto Sungai
Sariak Kabupaten Padang Pariaman, di Kota Sawahlunto je basadio manjadi Ketua
Persatuan Keluarga Daerah Piaman (PKDP). Banyak terobosan nan alah baliau buek
untuak ughang Piaman di Kota Sawahlunto, sahingga wajar sajo PKDP se Indonesia
panah maagiah pujian ka baliau ko.

Sahingga,
apo bilo Yobana Samial disandiangkan samo Buyung Lapau, mangko iko adolah
kekuatan Padang Pariaman bagian Utara dan Padang Pariaman bagian Selatan. Untuk
calon nan lain, tantu ado juo nan segeh – segeh, namun dek panulih iko nan
ideal baru nyeh.

Panulih:
RICO ADI UTAMA